پیر 31 اگست 2026 
پاکستان کے فاسٹ بولر محمد عباس (Muhammad Abbas)نے لارڈز ٹیسٹ میں شاندار کارکردگی کا مظاہرہ کرتے ہوئے 9 وکٹیں حاصل کیں تاہم ان کی بہترین بولنگ بھی پاکستان کو سیریز میں شکست سے نہ بچا سکی۔
لارڈز میں محمد عباس کا ریکارڈ بھی غیر معمولی ہے جہاں وہ چار اننگز میں 17 وکٹیں حاصل کر چکے ہیں۔
میچ کے بعد پریس کانفرنس میں محمد عباس نے اعتراف کیا کہ پاکستانی ٹیم کی مجموعی کارکردگی تشویش کا باعث ہے۔
ان کے مطابق ٹیم بیٹنگ، بولنگ اور فیلڈنگ تینوں شعبوں میں توقعات پر پورا نہیں اتر رہی اور ان مسائل پر مسلسل بات چیت کی جا رہی ہے۔
عباس نے خاص طور پر ناقص فیلڈنگ اور کیچز ڈراپ ہونے کو شکست کی اہم وجہ قرار دیا۔
مزیدپڑھیں:بلوچستان: سیکیورٹی فورسز کا انٹیلی جنس بیسڈ آپریشن، 2 دہشتگرد ہلاک
ان کا کہنا تھا کہ اگر اہم مواقع پر کیچز پکڑے جاتے تو انگلینڈ کو کم اسکور پر آؤٹ کیا جا سکتا تھا۔
حالیہ چھ ٹیسٹ میچز میں 28 وکٹیں لینے والے عباس نے کہا کہ وہ انفرادی کارکردگی کے بجائے ٹیم کی فتح کو ترجیح دیتے ہیں۔
ان کے مطابق نوجوان فاسٹ بولرز کے لیے ٹیسٹ کرکٹ میں تجربہ حاصل کرنا ضروری ہے تاہم ٹیم بہتری کے لیے مسلسل کوشش کر رہی ہے۔
