حنا جاوید قتل کیس:تفتیش تبدیل، اہلخانہ کا پولیس تفتیش پرتحفظات کا اظہار

راولپنڈی: حنا جاوید قتل کیس میں اہلخانہ نے پولیس تفتیش پرتحفظات کا اظہارکردیا۔

حناجاوید کے بھائی نے چیئرمین قومی کمیشن برائے انسانی حقوق کو خط لکھا جب کہ متاثرہ فیملی نے وزارت قانون اورپارلیمنٹ کی کاکس کمیٹی کوبھی خط بھیجا ہے۔

خط میں تفتیش ایف آئی آر کے مطابق نہ کیے جانے کے خدشے کا اظہار کیا گیا ہے، اس کے علاوہ خط کے متن میں کہا گیا کہ خدشہ ہے حنا قتل کیس میں سچ چھپانے کی کوشش کی جارہی ہے۔

خط کے مطابق تفتیش کا رخ اصل ملزم کے بجائے گھریلو ملازم کی جانب موڑا جارہا ہے، کیس کے اہم شواہد کو درست طریقے سے محفوظ نہیں کیا گیا۔

اہلخانہ کی جانب سے لکھے گئے خط میں کہا گیا کہ مرکزی ملزم اورگھریلوملازم کے تمام الیکٹرانک آلات کا فوری فارنزک کرایا جائے۔

مزید پڑھیں:لاہور ہائیکورٹ، تمام میڈیکل کالجز کو افغان طلبہ کو نکالنے سے روک دیا

اہلخانہ نے مطالبہ کیا ہے کہ حنا جاوید قتل کیس کی تفتیش آزاد تفتیشی ٹیم کے سپرد کی جائے۔