ہفتہ 19 ستمبر 2026 
پاکستان تحریک انصاف کے بانی رہنما اکبر ایس بابر نے سابق برطانوی وزیراعظم بورس جانسن کی جانب سے عمران خان کی رہائی کے حق میں دیے گئے بیان پر شدید تنقید کرتے ہوئے انہیں ماضی کے برطانوی راج کی یادوں سے باہر نکلنے کا مشورہ دیا ہے۔
اسلام آباد میں جاری ہونے والے اپنے بیان میں اکبر ایس بابر کا کہنا تھا کہ “تاج برطانیہ” کا “راج” ختم ہوئے 80 سال ہو چکے ہیں، اور شاید سابق برطانوی وزیراعظم اب بھی اسی “برطانوی راج” کے نشے میں مبتلا ہیں۔ انہوں نے بورس جانسن کو مخاطب کرتے ہوئے کہا کہ گزرے ہوئے برطانوی راج کے خمار سے جتنی جلدی باہر آ جائیں، اتنا ہی ان کے لیے بہتر ہوگا۔
واضح رہے کہ اس سے قبل سابق برطانوی وزیراعظم بورس جانسن نے ایک ویڈیو بیان جاری کیا تھا جس میں انہوں نے عمران خان کی فی الفور رہائی کا مطالبہ کیا تھا۔ اپنے اس ویڈیو بیان میں بورس جانسن کا کہنا تھا کہ عمران خان نے صرف گھڑی ہی تو چوری کی ہے تو کیا ہوا، لہذا انہیں فورا رہا کیا جائے۔ اسی بیان کے تناظر میں اکبر ایس بابر نے برطانوی سیاستدان کے اس طرزِ فکر کو تنقید کا نشانہ بنایا ہے۔
