اسلام آباد: وزیراعظم شہباز شریف(Shehbaz Sharif) نے سعودی عرب کے دارالحکومت ریاض میں کنگ عبداللہ فنانشل ڈسٹرکٹ پر حوثی حملے کی شدید مذمت کرتے ہوئے کہا ہے کہ پاکستان مشکل کی اس گھڑی میں اپنے برادر ملک سعودی عرب اور اس کے عوام کے ساتھ کھڑا ہے۔
سماجی رابطے کی ویب سائٹ ایکس پر اپنے پیغام میں وزیراعظم نے کہا کہ شہری بنیادی ڈھانچے اور معاشی تنصیبات کو نشانہ بنانے کے لیے کی جانے والی جارحانہ کارروائیاں کسی صورت قابل قبول نہیں۔ ایسے غیرذمہ دارانہ اقدامات خطے کے امن اور استحکام کے لیے خطرہ ہیں۔
I strongly condemn the Houthi attack on the King Abdullah Financial District in Riyadh. Such acts of reckless aggression, targeting civilian infrastructure and economic facilities, are totally unacceptable and threaten regional peace and stability.
Pakistan stands in unwavering…
— Shehbaz Sharif (@CMShehbaz) November 21, 2026
شہباز شریف کا کہنا تھا کہ پاکستان سعودی عرب کی خودمختاری اور علاقائی سالمیت کے تحفظ کے حق کی بھرپور حمایت کرتا ہے۔ مملکت کو اپنے شہریوں اور وہاں مقیم افراد کی حفاظت کے لیے دفاع کا مکمل حق حاصل ہے۔
مزیدپڑھیں:یوٹیوبر آئی شو اسپیڈ نے لگاتار 52 گھنٹے کھیل کر جی ٹی اے 6 کی مرکزی کہانی ختم کر ڈالی
وزیراعظم نے اپنے پیغام میں مزید کہا کہ پاکستان سعودی عرب اور اس کے عوام کے ساتھ غیرمتزلزل یکجہتی کا اظہار کرتا ہے اور خطے میں دیرپا امن و استحکام کے قیام کے لیے کی جانے والی تمام کوششوں کی حمایت جاری رکھے گا۔













ہفتہ 21 نومبر 2026 
