وزیراعظم شہبازشریف کی زیرصدارت ورچوئل اجلاس

وزیراعظم شہبازشریف کی زیرصدارت ورچوئل اجلاس ،اجلاس میں سرمایہ کاری کے حجم،اقتصادی اورتجارتی سرگرمیوں کو بڑھانے سے متعلق جائزہ لیاگیا ہے ، وزیر اعظم نے تمام اہم شعبوں میں سرمایہ کاری اور تجارت کو فروغ دینے کیلئے قابل عمل منصوبوں پرکام تیز کرنیکی ہدایت کی ہے، لندن سےویڈیو لنک اجلاس  میں وزیراعظم نے کہا ہے زراعت،آئی ٹی، معدنیات،ٹورازم اورقابل تجدید توانائی اہم شعبے ہیں جن میں بیرون ممالک سے سرمایہ کاری آ سکتی ہے، سرمایہ کاری کے ساتھ تجارت کو بھی فروغ دینا ہماری پالیسی کا حصہ ہے، تاکہ برآمدات میں خاطر خواہ اضافہ ہو سکے،وزیر اعظم نے تمام وزارت کو ہدایت دیتے ہوئے کہا کہ زیرتکمیل منصوبوں کو بروقت مکمل کرنے کیلئے تمام تر وسائل بروئے کار لائیں جائیں -وزیر اعظم  شہباز شریف نےکہا کہ قابل عمل منصوبوں کی نشاندہی کر کے ان کو عملی شکل دینے کیلئے فوری اقدامات کئے جائیں،انہوں نے کہا اس مقصد کیلئے مستقبل کو مد نظر رکھتے ہوئے ایک روڈ میپ اور تبدیلی کا ایجنڈا بنایا جائے تاکہ اپنے اہداف کی حصولی کے لئے ایک منظم انداز میں آگے بڑھا جاسکے-وزیراعظم شہباز شریف نے کہا اقتصادی سرگرمیوں کے روڈ میپ میں نجی شعبے کا کلیدی کردار ہوگا اور انکی شمولیت کو یقینی بنایا جائے گا، ہماری جاری معاشی اور اقتصادی اصلاحات کی پالیسی نے معیشت کو ایک نئی سمت دی ہے اور اس جدت اور شفافیت کی بدولت ملک ترقی کی راہ پر گامزن ہے، ویڈیو لنک اجلاس میں وفاقی وزراءمصدق ملک،علی پرویزملک،محمدجہانزیب،جام کمال، عطا اللہ تارڑ اور احد خان چیمہ شریک تھے-