قیصر شیخ کابینہ کمیٹی کی سربراہی سے فارغ، ہارون اختر خان نئے چیئرمین مقرر

اسلام آباد:وزیراعظم شہباز شریف نے وفاقی وزیر برائے سرمایہ کاری قیصر احمد شیخ کو کابینہ کمیٹی برائے ریگولیٹری اصلاحات کی سربراہی سے ہٹا کر کمیٹی کی ازسرنو تشکیل کر دی ہے۔ کابینہ ڈویژن کی جانب سے جاری کردہ باقاعدہ نوٹیفکیشن کے مطابق وفاقی وزیر تجارت ہارون اختر خان کو اس اہم کابینہ کمیٹی کا نیا چیئرمین مقرر کر دیا گیا ہے۔

کابینہ ڈویژن کی جانب سے جاری کردہ نوٹیفکیشن میں مزید بتایا گیا ہے کہ مشیر برائے صنعت و پیداوار ہارون اختر خان کو نئی تشکیل شدہ کمیٹی کا شریک چیئرمین بھی نامزد کیا گیا ہے تاکہ ریگولیٹری اصلاحات کے عمل کو مزید تیز کیا جا سکے۔

حکومتی فیصلوں کی روشنی میں کی جانے والی اس بڑی تبدیلی کے بعد وفاقی وزیر قیصر احمد شیخ کو نو تشکیل شدہ کمیٹی کے اراکین کی فہرست سے بھی مکمل طور پر باہر کر دیا گیا ہے۔

واضح رہے کہ اس سے قبل قیصر احمد شیخ کابینہ کمیٹی برائے ریگولیٹری اصلاحات کے بطور چیئرمین فرائض سرانجام دے رہے تھے، تاہم نئی انتظامی حکمت عملی کے تحت اب یہ اہم ذمہ داری ہارون اختر خان کے سپرد کر دی گئی ہے۔