ہفتہ 11 اپریل 2026 
چین نے دنیا کا سب سے لمبا ایسکیلیٹر بناکر دیکھنے والوں کو حیران کردیا۔
چین کے شہر ووہان میں بنے دنیا کے سب سے لمبے ایسکیلیٹر کی ویڈیو سوشل میڈیا پر مقبول ہوگئی۔ اس آؤٹ ڈور ایسکیلیٹر سسٹم کی لمبائی 905 میٹر ہے۔
اس سسٹم میں 21 انفرادی ایسکیلیٹرز، 8 ایلیویٹرز، 4 موونگ واک ویز اور کئی پیڈسٹرین برج شامل ہیں۔ اس کے علاوہ 80 منزلہ عمارت جتنی اونچائی تک پہنچانے میں یہ ایسکیلیٹر 21 منٹ کا وقت لیتا ہے۔ رات کے وقت رنگ برنگی روشنیوں سے چمکتا یہ ایسکیلیٹر ایک دلکش نظارہ پیش کرتا ہے۔
رپورٹ میں بتایا گیا ہے کہ یہ چین میں تعمیر کیا گیا پہلا منفرد شاہکار نہیں ہے بلکہ اس سے پہلے بھی ملک میں ایسے کئی شاہکار موجود ہیں، چین سیاحوں کے لیے قدرتی مقامات کی سیاحت کو آسان بنانے کے لیے اس طرح کے مختلف اقدامات کر رہا ہے۔
