ہفتہ 18 اپریل 2026 
وینزویلا کی مرکزی حزب اختلاف کی رہنما ماریا کورینا ماچاڈو (Maria Corina Machado) نے کہا ہے کہ انہیں امریکی صدر ڈونلڈ ٹرمپ کو امن کا نوبل انعام پیش کرنے پر کوئی پچھتاوا نہیں۔
میڈرڈ میں ایک کانفرنس سے خطاب کرتے ہوئے انہوں نے کہا کہ وینزویلا کے عوام ٹرمپ کے اس اقدام کو کبھی فراموش نہیں کریں گے، جسے وہ ملک میں سیاسی تبدیلی اور آزادی کی کوششوں کے لیے اہم قرار دیتی ہیں۔
مزید پڑھیں:ایران آبنائے ہرمز دوبارہ بندکرنا چاہتا ہے لیکن وہ امریکا کو بلیک میل نہیں کرسکتا، ٹرمپ
ماچاڈو نے کہا کہ دنیا میں ایک ایسا رہنما موجود ہے جس نے وینزویلا کے عوام کی آزادی کے لیے اپنے ملک کے شہریوں کی جانیں بھی خطرے میں ڈالیں۔
انہوں نے مزید کہا کہ وہ واشنگٹن کے ساتھ مسلسل رابطے میں ہیں اور ان کا ماننا ہے کہ امریکا وینزویلا میں جمہوری منتقلی کے عمل میں کلیدی کردار ادا کر سکتا ہے۔
ماچاڈو کا کہنا تھا کہ مستقبل کی سیاسی حکمت عملی اور ملک واپسی سے متعلق امور پر امریکی حکومت کے ساتھ باہمی احترام اور افہام و تفہیم کے ساتھ کام جاری ہے۔
