پنجاب میں شدید گرمی اور خشک موسم، محکمہ موسمیات کی بارش سے متعلق پیشگوئی

صوبائی دارالحکومت سمیت پنجاب(Punjab) بھر میں گرمی کی شدت بڑھنے لگی ہے اور خشک موسم کے باعث درجہ حرارت میں بتدریج اضافہ دیکھنے میں آ رہا ہے۔

محکمہ موسمیات کے مطابق موجودہ موسمی صورتحال کے باعث شہریوں کو دن کے اوقات میں شدید گرمی کا سامنا کرنا پڑ رہا ہے، جس سے روزمرہ معمولات شدید متاثر ہو رہے ہیں۔

محکمہ موسمیات کا کہنا ہے کہ خشک موسم کی وجہ سے آنے والے دنوں میں گرمی کی شدت میں مزید اضافہ ہو سکتا ہے۔ لاہور میں آج کم سے کم درجہ حرارت 25 ڈگری سینٹی گریڈ جبکہ زیادہ سے زیادہ 38 ڈگری سینٹی گریڈ تک جانے کا امکان ظاہر کیا گیا ہے، جس کے باعث گرمی کی شدت مزید محسوس کی جائے گی۔

حکام کے مطابق آئندہ 24 گھنٹوں کے دوران لاہور میں موسم خشک اور گرم رہے گا، محکمہ موسمیات نے پیش گوئی کی ہے کہ فی الحال پنجاب میں بارش کا کوئی امکان نہیں ہے۔ ماہرین کا کہنا ہے کہ بارش نہ ہونے کے باعث درجہ حرارت میں کمی کی فوری توقع نہیں، جس کے نتیجے میں شہریوں کو احتیاطی تدابیر اختیار کرنا ہوں گی۔

شہریوں کو ہدایت کی گئی ہے کہ غیر ضروری طور پر دھوپ میں نکلنے سے گریز کریں اور پانی کا زیادہ استعمال کریں تاکہ شدید گرمی کے اثرات سے محفوظ رہا جا سکے۔

مزیدپڑھیں:امریکی صدر ٹرمپ کا جنگ جاری رکھنے کا اختیار ختم

محکمہ موسمیات کے مطابق موجودہ موسمی پیٹرن برقرار رہنے کی صورت میں آئندہ دنوں میں بھی گرمی کی شدت میں کمی کا امکان کم ہے۔