اتوار 10 مئی 2026 
پاکستان کرکٹ ٹیم کے سابق کپتان شاہد آفریدی(Shahid Afridi) نے معرکہ حق اور آپریشن بنیان المرصوص کو ایک سال مکمل ہونے پر قوم اور افواجِ پاکستان کو خراجِ تحسین پیش کرتے ہوئے کہا ہے کہ وطن کی حرمت پر آنچ آئے تو پوری پاکستانی قوم ایک مضبوط دیوار بن جاتی ہے۔
سماجی رابطے کی ویب سائٹ ایکس پر اپنے خصوصی پیغام میں شاہد آفریدی نے کہا کہ وہ صف اللہ کو پسند ہے جس میں دل ایک ہوں، قدم ایک ہوں اور ارادے مضبوط ہوں۔ انہوں نے کہا کہ آپریشن بنیان المرصوص کو ایک سال گزر جانے کے باوجود اس کی کامیابی آج بھی قوم کے دلوں میں تازہ ہے۔
وہ صف جس میں دل ایک ہوں، قدم ایک ہوں، اور ارادے پکے ہوں اللہ اسے پسند کرتا ہے۔ آپریشن بنیان المرصوص کو ایک سال ہو گیا، لیکن یہ جیت آج بھی قوم کے دلوں میں زندہ ہے۔ یہ صرف ایک آپریشن نہیں تھا، یہ پاکستانی قوم کی غیرت، پاک فوج کی بہادری اور اللہ کی مدد کی نشانی تھی۔
دنیا کو آج نفرت… pic.twitter.com/oAW63htJFR
— Shahid Afridi (@SAfridiOfficial) May 10, 2026
سابق کپتان کا کہنا تھا کہ یہ صرف ایک عسکری کارروائی نہیں تھی بلکہ پاکستانی قوم کی غیرت، افواجِ پاکستان کی بہادری اور اللہ تعالیٰ کی نصرت کی روشن مثال تھی۔
انہوں نے اپنے پیغام میں کہا کہ دنیا کو اس وقت نفرت اور تصادم کے بجائے امن، برداشت اور انسانیت کی ضرورت ہے۔ پاکستان ہمیشہ خطے میں امن اور استحکام کی بات کرتا آیا ہے، تاہم جب وطن کی خودمختاری اور حرمت کا معاملہ ہو تو پوری قوم متحد ہو کر دفاع کے لیے کھڑی ہو جاتی ہے۔
شاہد آفریدی نے مزید کہا کہ آپریشن بنیان المرصوص نے دنیا کو یہ واضح پیغام دیا کہ اصل طاقت صرف جدید ہتھیاروں میں نہیں بلکہ اتحاد، ایمان اور سچائی میں پوشیدہ ہوتی ہے۔
