49 گیندوں پر سنچری، محمد شہزاد نے مصباح الحق کا ریکارڈ توڑ کر نیا پاکستانی ریکارڈ قائم کردیا

پاکستان ٹیلی ویژن کے محمد شہزاد(Muhammad Shahzad) نے آل بطال پریزینٹس اے بی ایس ڈیولپرز پریزیڈنٹ ٹرافی گریڈ ون کے تیسرے راؤنڈ کے پہلے روز شاندار بیٹنگ کا مظاہرہ کرتے ہوئے 49 گیندوں پر سنچری مکمل کرلی۔

ڈائمنڈ کرکٹ گراؤنڈ اسلام آباد میں کنگز مین اکیڈمی کے خلاف پہلے بیٹنگ کرتے ہوئے پی ٹی وی نے خراب روشنی کے باعث کھیل جلد ختم ہونے تک 58 اوورز میں 7 وکٹوں کے نقصان پر 285 رنز بنائے۔ محمد شہزاد نے 62 گیندوں پر 114 رنز کی جارحانہ اننگز کھیلی، جس میں 12 چوکے اور 8 چھکے شامل تھے۔

محمد شہزاد 34 رنز پر 3 وکٹیں گرنے کے بعد کریز پر آئے اور محمد طحہٰ کے ساتھ 143 رنز کی شراکت قائم کرکے ٹیم کو مشکلات سے نکالا۔ محمد طحہٰ نے 43 رنز بنائے۔ بائیں ہاتھ کے فاسٹ بولر ضیا الحق نے 32ویں اوور میں محمد شہزاد کو آؤٹ کیا۔ نمبر 6 کے بلے باز شارون سراج نے 53 رنز کی ناقابل شکست اننگز کھیل کر ٹیم کا اسکور آگے بڑھایا۔

Third round of Al Batal Presents ABS Developers President’s Trophy Grade-I begins 🏏

PTV’s Muhammad Shahzad strikes 49-ball 💯, MIT’s Atiq-ur-Rehman shines with unbeaten 136

PTV v Kingsmen Academy scorecard: https://t.co/ZIhNy5MVxG
MIT v SNGPL scorecard: https://t.co/CmbPBqYGZg… pic.twitter.com/0XIRGUzx14

— Pakistan Cricket (@TheRealPCB) September 24, 2026

کنگز مین اکیڈمی کی جانب سے محمد الیاس نے 3 اور شعیب آفریدی نے 2 وکٹیں حاصل کیں۔

پشاور کے عمران خان اسٹیڈیم میں مارخور آئی ٹی سلوشنز نے سوئی ناردرن گیس پائپ لائنز کے خلاف 79 اوورز میں 3 وکٹوں پر 258 رنز بنائے۔ عتیق الرحمان 136 رنز پر ناقابل شکست رہے۔ یہ ان کی فرسٹ کلاس کرکٹ میں تیسری سنچری ہے۔ انہوں نے 17 چوکے لگائے اور سید عواد نقوی کے ساتھ 218 رنز کی ناقابل شکست شراکت قائم کی، عواد نقوی 65 رنز پر ناٹ آؤٹ رہے۔

مزیدپڑھیں:پی ٹی آئی اسلام آباد مارچ: پولیس پر بھروسہ نہ کرنے کی ہدایت، قیادت روپوش، کون کہاں ہے؟

اسلام آباد کے نیشنل گراؤنڈ میں غنی نے اسٹیٹ بینک آف پاکستان کے خلاف 72 اوورز میں 6 وکٹوں پر 263 رنز بنائے۔ مرزا طاہر بیگ نے 67، علی رضا ق نے ناقابل شکست 62 اور شرجیل خان نے 56 رنز بنائے۔

ایبٹ آباد کرکٹ اسٹیڈیم میں خان ریسرچ لیبارٹریز نے آئل اینڈ گیس ڈیولپمنٹ کمپنی لمیٹڈ کے خلاف پہلے روز 60 اوورز میں 5 وکٹوں پر 202 رنز بنائے۔ سرفراز بھٹی 48 رنز پر ناقابل شکست ہیں۔

پاکستان ٹیسٹ ٹیم کے کپتان بابر اعظم نے بھی او جی ڈی سی ایل کی جانب سے فرسٹ کلاس کرکٹ میں واپسی کی۔ وہ پہلے روز 60 اوورز تک فیلڈنگ میں موجود رہے۔ کے آر ایل کے خلاف میچ میں شاہین شاہ آفریدی انجری سے صحت یاب ہونے کے باعث شریک نہیں ہوئے۔

PTV’s Muhammad Shahzad struck a blazing 49-ball 💯 in President’s Trophy Grade-I, smacking 8️⃣ sixes and 1️⃣2️⃣ fours 💥#PakistanCricket | #PresidentTrophy pic.twitter.com/MfBr5wmrNY

— Pakistan Cricket (@TheRealPCB) September 24, 2026