جمعرات 4 جون 2026 
فرنچ اوپن (French Open)میں بڑا اپ سیٹ دیکھنے میں آیا ہے جہاں روس کی ڈیانا شنائیڈر نے عالمی نمبر ون آرینا سبالینکا (Aryna Sabalenka )کو سخت مقابلے کے بعد شکست دے کر ایونٹ سے باہر کر دیا۔
تفصیلات کے مطابق سبالینکا نے میچ کا آغاز شاندار انداز میں کیا اور پہلا سیٹ اپنے نام کیا، تاہم اس کے بعد شنائیڈر نے غیر معمولی کم بیک کرتے ہوئے اگلے دونوں سیٹس جیت لیے۔ فیصلہ کن سیٹ میں روسی کھلاڑی نے جارحانہ کھیل پیش کرتے ہوئے عالمی نمبر ون کو مکمل طور پر دباؤ میں لے لیا اور میچ اپنے نام کر لیا۔
Diana Shnaider sensationally defeated world number one Aryna Sabalenka at Roland Garros and advanced to the tournament’s semifinals. pic.twitter.com/cDiQx742a2
— NEXTA (@nexta_tv) June 3, 2026
یہ کامیابی ڈیانا شنائیڈر کے کیریئر کا اہم سنگ میل قرار دی جا رہی ہے، کیونکہ اس سے قبل وہ کسی بھی گرینڈ سلیم ٹورنامنٹ میں کوارٹر فائنل سے آگے نہیں بڑھ سکی تھیں۔ اب وہ فرنچ اوپن کے سیمی فائنل میں پہنچ گئی ہیں۔
Highlights from the quarter-final between Diana Shnaider and Aryna Sabalenka 👇#RolandGarros pic.twitter.com/MIqaVLckhi
— Roland-Garros (@rolandgarros) June 3, 2026
میچ کے بعد آرینا سبالینکا جذباتی ہو گئیں اور انہوں نے شدید ذہنی دباؤ کا اظہار کرتے ہوئے ٹینس سے وقفہ لینے یا ریٹائرمنٹ
جیسے خیالات کا بھی عندیہ دیا۔ ان کے اس بیان نے کھیلوں کی دنیا میں تشویش پیدا کر دی ہے۔
“She played great”
Sabalenka’s post-match interview following her loss against Shnaider.#RolandGarros pic.twitter.com/po1saL6q0t
— Roland-Garros (@rolandgarros) June 3, 2026
دوسرے کوارٹر فائنل میں بھی بڑا اپ سیٹ ہوا، جہاں پولینڈ کی ماجا چوالنسکا نے اینا کیلنسکایا کو شکست دے کر اگلے مرحلے میں جگہ بنا لی۔
مینز سنگلز میں جمہوریہ چیک کے جیکب مینسک نے برازیل کے جواؤ فونسیکا کو اسٹریٹ سیٹس میں شکست دے کر سیمی فائنل کے لیے کوالیفائی کر لیا۔
