بدھ 17 جون 2026 
فیفا ورلڈ کپ(Fifa World Cup) میں ناروے نے ایرلنگ ہالینڈ کے 2 گول کی بدولت عراق کو پہلے میچ میں ایک کے مقابلے میں 4 گول سے شکست دے دی۔
بوسٹن میں کھیلے گئے میچ میں ناروے اور عراق کے درمیان پہلا ہاف دلچسپ اور سنسنی خیز رہا ۔
اس ہاف میں شائقین کو تیز اور اٹیکنگ فٹ بال دیکھنے کو ملی۔ میچ میں اسکورنگ کا آغاز ناروے نے کیا جب اُن کے اسٹار کھلاڑی ایرلنگ ہالینڈ نے 29ویں منٹ میں گیند حریف ٹیم کے جال میں پہنچائی۔
صرف 10 منٹ بعد عراق کے ایمن حسین نے گول کرکے مقابلہ برابر کردیا۔
مزیدپڑھیں:’تارے زمین پر‘ کے چائلڈ سٹار سچیت سیٹھ اب برطانیہ میں کیا کررہے ہیں؟
ہاف ختم ہونے سے چند منٹ قبل ہالینڈ ایک مرتبہ پھر ایکشن میں دکھائی دیے اور ٹیم کو پھر سے برتری دلادی۔وقفے تک مقابلہ 1-2 سے ناروے کے حق میں تھا۔
کھیل کے 76 ویں منٹ میں اوسٹی گارڈ نے ناروے کیلئے تیسرا گول کردیا اور آخری لمحات میں عراق کے ایمن حسین کی جانب سے کیے گئے اون گول کے سبب ناروے نے 1-4 کی برتری حاصل کرلی، میچ کا خاتمہ اسی اسکور پر ہوا۔
