’’میں نے ترس کھا کر تصویر بنوائی‘‘ ٹرمپ کے دعوے پر اطالوی وزیر اعظم بھڑک اٹھیں

فرانس (France)میں جی 7 (G7)اجلاس کے موقع پر تصویر بنوانے کے معاملے پر امریکی صدر ڈونلڈ ٹرمپ اور اطالوی وزیر اعظم جورجیا میلونی آمنے سامنے آگئے۔

غیر ملکی میڈیا رپورٹس کے مطابق ڈونلڈ ٹرمپ نے اٹلی کے ایک نیوز چینل سے گفتگو میں دعویٰ کیا کہ جورجیا میلونی نے میرے ساتھ تصویر بنوانے کیلیے سمنت سماجت کی، وہ میرے ساتھ تصویر کھنچوانے کیلیے بے تاب تھیں، میں تصویر نہ کھنچواتا لیکن مجھے ان پر ترس آگیا۔

اس پر اطالوی وزیر اعظم کا سخت ردعمل سامنے آیا ہے۔ جورجیا میلونی نے ڈونلڈ ٹرمپ پر جھوٹی کہانی گھڑنے کا الزام عائد کرتے ہوئے کہا کہ وہ امریکی صدر کے اس تبصرے پر حیران ہیں جو کہ مکمل طور پر من گھڑت ہیں۔

🇮🇹 Italian PM Giorgia Meloni rejects Trump’s claim that she ‘begged’ for a photo with him

🗣️ Trump told Italy’s La7 TV that Meloni ‘wanted a picture with me so badly,’ while Meloni said the remarks were ‘completely made up’ and that ‘neither I nor Italy ever beg’

▪️ Italian… pic.twitter.com/Q1mhbiW9Kc

— Anadolu English (@anadoluagency) June 19, 2026

 انہوں نے ڈونلڈ ٹرمپ پر یہ الزام بھی لگایا کہ وہ پرانے اور دیرینہ اتحادیوں کے مقابلے میں مغرب کے دشمنوں کے ساتھ کہیں زیادہ نرمی اور احترام سے پیش آتے ہیں۔

مزیدپڑھیں:ڈیزل پر لیوی میں اضافہ،پیٹرول پر کمی کردی گئی

جورجیا میلونی نے ردعمل میں کہا کہ امریکی صدر کے بیانات سراسر من گھڑت ہیں، میں سچ مچ حیران ہوں، میں نہیں جانتی کہ امریکا کے صدر اپنے اتحادیوں کے ساتھ ایسا سلوک کیوں کرتے ہیں، یہ پہلی بار نہیں ہے۔

’میں صرف اتنا کہہ سکتی ہوں کہ یہ مایوس کن ہے کہ وہ مغرب اور امریکا کے دشمنوں کے خلاف ایسی پختہ عزم کا مظاہرہ نہیں کرتے جن کے رہنماؤں کے ساتھ وہ اس کے بجائے کہیں زیادہ نرمی سے پیش آتے ہیں۔ ایک بات ہے جو انہیں یاد رکھنی چاہیے کہ میں اور نہ ہی اٹلی کبھی کسی سے بھیک مانگتے ہیں۔‘

 ڈونلڈ ٹرمپ کے دعوے اور جورجیا میلونی کے سخےت ردعمل کے بعد اطالوی وزیر خارجہ نے امریکا کا اپنا دورہ منسوخ کرنے کا اعلان کیا اور امریکی صدر کو ان کے توہین آمیز الفاظ پر کڑی تنقید کا نشانہ بنایا۔

انہوں نے ایکس پر جاری بیان میں کہا کہ صدر ٹرمپ کے سنگین اور توہین آمیز الفاظ پورے اٹلی کی توہین کرتے ہیں۔