پیٹرول سستا ہونے کے بعد موٹرسائیکل کی ٹینکی اب کتنے روپے میں فل ہوگی

موٹرسائیکل مالکان کے لیے اچھی خبر سامنے آئی ہے کیونکہ فی لیٹر پیٹرول(Petrol) قیمت میں کمی کے بعد مختلف ماڈلز کی ٹنکی فل کرانے کے اخراجات میں نمایاں کمی ریکارڈ کی گئی ہے۔

تفصیلات کے مطابق نئی قیمت 299 روپے فی لیٹر کے حساب سے مختلف موٹرسائیکلز کی فیول ٹینکی فل کرانے کی لاگت کا ازسرنو حساب سامنے آ گیا ہے، جس میں پرانی قیمت 373 روپے فی لیٹر کے مقابلے میں واضح کمی دیکھی گئی ہے۔

اعداد و شمار کے مطابق سب سے زیادہ فائدہ بڑی انجن والی موٹرسائیکلوں کو ہوا ہے۔ ہونڈا سی ڈی 70 کی 8.5 لیٹر ٹینکی اب 3,171 روپے کے بجائے 2,542 روپے میں فل ہوگی، جس سے 629 روپے کی بچت ہوگی۔

اسی طرح ہونڈا سی جی 125 کی 9.2 لیٹر ٹینکی کی نئی لاگت 2,751 روپے مقرر ہوئی ہے جبکہ پہلے یہ 3,432 روپے میں فل ہوتی تھی، اس میں 681 روپے کی کمی آئی ہے۔

متحدہ امریکہ 70 کی 9 لیٹر ٹینکی اب 2,691 روپے میں فل ہوگی جبکہ پہلے اس پر 3,357 روپے خرچ ہوتے تھے، یوں 666 روپے کی بچت سامنے آئی ہے۔

مزیدپڑھیں:باپ وہ چراغ ہے جو اولاد کیلئے ہر اندھیرے میں روشنی بنتا ہے: مریم نواز

منفرد UD 100 کی 10 لیٹر ٹینکی کی نئی لاگت 2,990 روپے مقرر کی گئی ہے جو پہلے 3,730 روپے تھی، اس میں 740 روپے کمی ریکارڈ ہوئی ہے۔

یاماہا YBR 125 کے صارفین کے لیے بھی ریلیف سامنے آیا ہے، 13 لیٹر ٹینکی اب 3,887 روپے میں فل ہوگی جبکہ پہلے 4,849 روپے خرچ ہوتے تھے، اس طرح 962 روپے کی بچت ہوئی ہے۔

سوزوکی جی ایس 150 کی 12 لیٹر ٹینکی کی نئی لاگت 3,588 روپے مقرر ہوئی ہے جو پہلے 4,476 روپے تھی، اس میں 888 روپے کمی آئی ہے۔

اسی طرح سوزوکی جی ایس ایکس 125 کی 14 لیٹر ٹینکی اب 4,186 روپے میں فل ہوگی جبکہ پہلے اس پر 5,222 روپے خرچ ہوتے تھے، یوں 1,036 روپے کی نمایاں بچت سامنے آئی ہے۔

ماہرین کے مطابق پیٹرول کی قیمتوں میں کمی کا براہِ راست اثر ٹرانسپورٹ کے اخراجات پر پڑتا ہے، جس سے عام شہریوں کو روزمرہ آمد و رفت میں ریلیف ملتا ہے۔