جمعرات 13 اگست 2026 
پاکستانی اداکارہ، میزبان اور ماڈل فضا علی (Fiza Ali)نے اداکارہ نمرہ خان کی حمایت کرتے ہوئے ان کے شوہر کو سخت تنقید کا نشانہ بنایا ہے۔
نمرہ خان نے حال ہی میں دوسری شادی کی تھی اور شادی کے بعد اپنی خوبصورت تصاویر اور ویڈیوز سوشل میڈیا پر شیئر کی تھیں، تاہم کچھ ہی دنوں کے بعد دونوں کے درمیان اختلافات سامنے آگئے۔
بعد ازاں نمرہ خان اور ان کے شوہر نے مبینہ طور پر سوشل میڈیا پر ایک دوسرے کے خلاف بیانات اور پوسٹس شیئر کرنا شروع کردیں۔ نمرہ کے شوہر کی جانب سے ’Good Riddance‘ کا جملہ بھی استعمال کیا گیا۔
View this post on Instagram
اس معاملے پر فضا علی نے نمرہ خان کی حمایت کرتے ہوئے کہا کہ یہ بات سمجھ سے بالاتر ہے کہ ایک شخص جس نے کچھ عرصہ قبل ہی نمرہ کو اپنی زندگی کا ساتھی بنایا، وہ اب ان کے لیے ’Good Riddance‘ جیسے الفاظ کیسے استعمال کرسکتا ہے۔
مزیدپڑھیں:عاقب جاوید کی صاحبزادی رشتۂ ازدواج میں منسلک
فضا علی نے اس رویے کو نامناسب قرار دیتے ہوئے نمرہ کے ساتھ کھل کر اظہارِ یکجہتی کرتے ہوئے کہا ہے کہ رشتے نہیں چلتے، راستے الگ ہو جاتے ہیں یہ ہی زندگی ہے، لیکن رشتہ ختم ہونے کا مطلب یہ نہیں کہ آپ اس عورت کی عزت بھی ختم کر دیں۔
انہوں نے کہا کہ کسی خاتون کو اس انداز میں مخاطب کرنا مناسب نہیں، خاص طور پر جب وہ حال ہی میں آپ کی شریکِ حیات بنی ہو، میں اس معاملے میں اداکارہ کے ساتھ کھڑی ہوں، نمرہ اپنا سر بلند رکھنا، کسی کا تمہاری زندگی سے چلے جانا تمہاری اہمیت کم نہیں کرتا۔
فضا علی کے بیان پر سوشل میڈیا صارفین کی جانب سے بھی مختلف ردعمل سامنے آرہا ہے۔
