’اسٹریٹ موومنٹ نہیں کرسکتے تو واپس آجاؤ مگر پشتو فلموں والے سین چھوڑ دو‘، سہیل آفریدی کی جعلی گرفتاری پر لوگوں کا ردعمل

Calender Icon منگل 15 ستمبر 2026

وزیراعلیٰ خیبرپختونخوا سہیل آفریدی(sohail afridi) ان دنوں پنجاب کے دورے پر ہیں اور انہوں نے لاہور پہنچتے ہی یہ الزام عائد کردیا کہ پنجاب پولیس نے انہیں اغوا کیا اور بعد ازاں سڑک پر چھوڑ دیا۔ انہوں نے اس واقعے کا ذمہ دار پنجاب کی حکومت اور پنجاب پولیس کو قرار دیا۔

وزیراعلیٰ کے اس بیان کے بعد ان کی مختلف ویڈیوز سوشل میڈیا پر تیزی سے وائرل ہوگئیں، جن میں یہ واضح نظر آرہا تھا کہ انہیں پولیس نے زبردستی اغوا یا موبائل میں نہیں ڈالا بلکہ وہ خود موبائل میں بیٹھ گئے اور اپنے ساتھیوں سے ویڈیو بنواتے رہے۔ اس پوری صورتحال پر سوشل میڈیا پر نہ صرف دلچسپ تبصرے ہوئے بلکہ اہم سوالات بھی اٹھائے گئے۔

سوشل میڈیا صارفین نے سوال کیا کہ اگر سہیل آفریدی کو واقعی اغوا کیا گیا تھا تو ان کے ساتھ کیمرہ مین اور دیگر افراد کیسے موجود رہے اور اغوا کے دوران ویڈیوز کیسے بنتی رہیں؟ شمع جونیجو لکھتی ہیں کہ ٹک ٹاک ویڈیو بناتے ہوئے راہ چلتے موٹر سائیکل سواروں کو خود بتا رہے ہیں کہ دیکھو وزیراعلیٰ سہیل آفریدی کو اغوا کرلیا ہے۔


پی ٹی آئی ورکر اور وزیراعلی کے سابق معاون خصوصی نے لاہور کے دورہ کے دوران سہیل آفریدی کے ‘اغوا والی ویڈیو’ پر تبصرہ کرتے ہوئے لکھا کہ عجیب اغواء کاری ہے وزیراعلی اپنے گین مینوں اور کیمرہ مین سمیت پولیس گاڑی میں بیٹھے ہوئے ہیں۔

خالد خان نے سہیل آفریدی کو مشورہ دیا کہ خدا کے لیے اگر اسٹریٹ موومنٹ نہیں کرسکتے تو واپس آجاؤ لیکن یہ پشتو فلموں والے سین چھوڑ دو، آپ خیبرپختونخوا کے چیف ایگزیکٹیو ہو جہانگیری اداکار نہیں۔


سہیل آفریدی سے صحافی نے سوال کیا کہ کیا یہ بلی چوہے کا کھیل چل رہا ہے؟ جس پر انہوں نے صحافی کو گالیاں نکالنی شروع کردیں۔ صارفین نے اس رویے پر تنقید کرتے ہوئے کہا کہ یہ “ٹک ٹاکر وزیرِ اعلیٰ” ہیں جن کا اپنی زبان پر قابو نہیں اور رویہ وزیرِاعلیٰ والا نہیں۔ سید عدنان نے کہا کہ سہیل آفریدی پشاور سے پنجاب آ کر صحافیوں کے ساتھ وہ زبان استعمال کر رہے ہیں جو کسی بھی باعزت عہدے کے لیے موزوں نہیں ہے۔

مزیدپڑھیں:عالمی منڈی میں سونے کی قیمتیں مستحکم


صحافی اعظم ملک لکھتے ہیں کہ جب ہم نے سہیل آفریدی سے پوچھا کہ “آپ خود پولیس وین میں جا کر بیٹھے، نہ گرفتاری ہوئی نہ حراست؛ آپ پولیس کی گاڑی میں بیٹھے پولیس اپنی گاڑی لے کر وہاں سے چل پڑی اور آپ کو لکشمی چوک چھوڑ دیا، اس پر آپ کا کیا کہنا ہے؟” تو انہوں نے جواب دینے کے بجائے کہا کہ “آپ حکومت کی سائیڈ لے رہے ہیں۔” ہم نے کہا آپ کے گارڈز ہمیں قریب نہیں آنے دے رہے، تو اس موقع پر سہیل آفریدی صاحب اونچی آواز میں بولنا شروع ہوگئے۔


ایک سوشل میڈیا صارف نے کہا کہ تاریخ کی شاید یہ پہلی اور منفرد اغوا کاری ہے جس میں وزیراعلیٰ سہیل آفریدی اپنے گن مین اور کیمرہ مین سمیت پولیس کی گاڑی میں بیٹھ کر مبینہ طور پر اغوا ہوگئے، جہاں انہیں ٹک ٹاک کے لیے ویڈیوز بنانے کی مکمل آزادی بھی حاصل رہی۔

ان کا مزید کہنا تھا کہ منظرنامہ تیار ہی کرنا تھا تو اسکرپٹ ذرا بہتر لکھ لیتے، کیونکہ اس بھونڈے سٹنٹ پر شاید پانچ سال کا بچہ بھی یقین نہ کرے۔


دوسری جانب پنجاب کی وزیر اطلاعات عظمیٰ بخاری نے سہیل آفریدی کی ایک ویڈیو شیئر کرتے ہوئے ان کے دعوے پر طنزیہ ردعمل دیا۔ انہوں نے کہا کہ سہیل آفریدی خود وین میں بیٹھ کر کیمرہ مین اور سیکیورٹی گارڈز کے ہمراہ ویڈیو بنوا رہے ہیں اور پھر اغوا ہونے کا دعویٰ کر رہے ہیں۔

مزید خبریں

شدید بارشیں اور ممکنہ سیلاب؛ وزیراعظم کی تمام اداروں کو تیار رہنے کی ہدایت

10 منٹ قبل

وزیراعظم شہباز شریف سے گورنر خیبر پختونخوا فیصل کریم کنڈی کی اہم ملاقات، کیا کچھ زیر بحث آیا؟

1 گھنٹے قبل

ملک میں سیلاب کا الرٹ جاری، دریاؤں، ندی نالوں میں طغیانی کا خدشہ

2 گھنٹے قبل

وزیراعظم کی خصوصی پٹرول ریلیف اسکیم کا اسلام آباد میں آغاز

4 گھنٹے قبل

پیٹرول سبسڈی لینے والوں کے لیے بڑا ریلیف، ایس ایم ایس چارجز ختم

4 گھنٹے قبل

لاہور، پیٹرولیم مصنوعات کی قیمتوں میں اضافے پر مرکزی مسلم لیگ کے کارکن سڑکوں پر نکل آئے

4 گھنٹے قبل

تازہ ترین

پاکستانی کرکٹر رضا اللہ وطن واپس ، ایئرپورٹ پر شاندار استقبال
2 منٹ قبل

شدید بارشیں اور ممکنہ سیلاب؛ وزیراعظم کی تمام اداروں کو تیار رہنے کی ہدایت
10 منٹ قبل

بنگلادیش؛ عوامی لیگ پارٹی کے 7 رہنماؤں کو سزائے موت
14 منٹ قبل

پی ٹی اے کا پی ٹی ایم ایل کو اونک سروس فوری بند کرنے کا حکم
1 گھنٹے قبل

وزیراعظم شہباز شریف سے گورنر خیبر پختونخوا فیصل کریم کنڈی کی اہم ملاقات، کیا کچھ زیر بحث آیا؟
1 گھنٹے قبل