پاکستان اور عالمی منڈی میں سونے کی قیمت میں بڑی کمی

پاکستان اور عالمی منڈی میں ایک روز بعد ہی سونے کی قیمت میں ایک بار پھر بڑی کمی ریکارڈ کی گئی۔

آل پاکستان صرافہ ایسوسی ایشن کے مطابق ملک بھر میں 24 قیراط فی تولہ سونا 3 ہزار 800 روپے سستا ہوکر 4 لاکھ 53 ہزار 436 روپے کا ہوگیا۔

10 گرام سونے کی قیمت میں 3 ہزار 257 روپے کمی ہوئی، جس کے بعد نئی قیمت 3 لاکھ 88 ہزار 749 روپے ہوگئی۔

عالمی منڈی میں بھی سونا 38 ڈالر فی اونس سستا ہوکر 4 ہزار 309 ڈالر پر آگیا۔

دوسری جانب فی تولہ چاندی کی قیمت میں 73 روپے کمی ہوئی، جس کے بعد چاندی 6 ہزار 869 روپے فی تولہ ہوگئی۔