منگل 29 ستمبر 2026 
ایشیائی ترقیاتی بینک کے مطابق وسطی ایشیا علاقائی اقتصادی تعاون، کیئرک پروگرام کو 25 سال مکمل ہوگئے، پروگرام کے تحت اب تک 60.2 ارب ڈالر کی سرمایہ کاری کی جاچکی ہے۔
اے ڈی بی کے مطابق کیئرک پروگرام کا آغاز پانچ ممالک سے ہوا تھا، جس میں اب پاکستان سمیت 11 ممالک شامل ہیں۔
اعلامیے کے مطابق پاکستان سمیت 8 ممالک میں اے ڈی بی کی تقریباً 3 ارب ڈالر کی فنانسنگ شامل ہے، جبکہ سرحدی گزرگاہوں کو جدید بنانے کے لیے اے ڈی بی 40 کروڑ ڈالر تک فراہم کرے گا۔
کیئرک ممالک کے درمیان تجارت بڑھانے کے لیے سرحدی نظام بہتر بنانے پر توجہ دی جائے گی۔ اے ڈی بی کے مطابق کیئرک ممالک کی مجموعی تجارت میں باہمی تجارت کا حصہ صرف 5 فیصد ہے۔
اعلامیے کے مطابق توانائی کے شعبے میں کیئرک منصوبوں کی مالیت 2030 تک تقریباً ڈیڑھ ارب ڈالر متوقع ہے۔
اے ڈی بی 2030 تک کیئرک خطے میں 7.5 ارب ڈالر سے زائد کی فنانسنگ فراہم کرے گا، جبکہ نجی شعبے سے تقریباً 3 ارب ڈالر کی سرمایہ کاری لانے کا ہدف بھی مقرر کیا گیا ہے۔
مزید پڑھیں:مہاتیر محمد کی اہلیہ 100 برس کی عمر میں انتقال کرگئیں، پوترجایا میں تدفین
اے ڈی بی کے مطابق کیئرک منصوبوں کے تحت اب تک 20 ہزار کلومیٹر سے زائد سڑکیں اور ریلوے بہتر بنائی جاچکی ہیں۔
