جمعرات 16 اپریل 2026 
کراچی: پاکستان سپر لیگ(پی ایس ایل) 11 میں حیدر آباد کنگز مین نے راولپنڈیز کو 5 وکٹوں سے شکست دے کر ایونٹ میں مسلسل تیسری کامیابی حاصل کرلی۔ میچ میں حیدرآباد کنگز مین نے ٹاس جیت(won the toss) کر راولپنڈیز کو پہلے بیٹنگ کی دعوت دی۔
راولپنڈیز کی ٹیم نے مقررہ 20 اوورز میں 9 وکٹ پر 121 رنز بنائے۔سیم بلنگز 26 اور یاسر خان 24 رنز بناکر نمایاں رہے۔حیدرآباد کنگز مین کی جانب سے محمد علی اور حنین شاہ نے 3،3 وکٹیں حاصل کیں۔
جواب میں حیدرآباد کنگز مین نے 122 رنز کا ہدف با آسانی 17ویں اوور میں 5 وکٹ پر حاصل کرلیا۔
عرفان خان نیازی 34 رنز کے ساتھ ناٹ آؤٹ رہے۔کپتان مارنوس لیبوشین اور کوشال پریرا نے 32، 32 رنز بنائے۔یوں ایونٹ میں حیدرآباد کنگزمین تیسری فتح حاصل کرتے ہوئے 6 پوائنٹس کے ساتھ ٹاپ فورمیں داخل ہوگئی۔
مزید پڑھیں:وفاقی وزیر توانائی اویس لغاری کا آج رات سے بجلی کی لوڈشیڈنگ میں کمی کا اعلان
دوسری جانب راولپنڈیز کو ایونٹ میں مسلسل چھٹی شکست ہوئی ہے۔وہ اب تک ایک بھی میچ جیتنے میں کامیاب نہیں ہوئی۔
