اسلام آباد، کفایت شعاری مہم، 16اپریل سے تمام دکانیں، مارکیٹس رات8 بجے بند کرنیکا حکم

اسلام آباد میں کفایت شعاری اقدامات کے تحت نئے اوقاتِ کار کا نوٹیفکیشن جاری کر دیا گیا ہے۔ضلعی انتظامیہ اسلام آباد (islamabad)کی جانب سے جاری نوٹیفکیشن کے مطابق تمام دکانیں، مارکیٹس اور شاپنگ مالز رات 8 بجے بند کر دیے جائیں گے۔

نوٹیفکیشن کے تحت میڈیکل اسٹورز، پٹرول پمپس، سی این جی اسٹیشنز اور اشیائے ضروریہ کی دکانوں کو اس پابندی سے مستثنیٰ قرار دیا گیا ہے۔ہوٹلز،ریسٹورنٹس، فوڈ آؤٹ لیٹس،تندور،کریانہ اورسبزی وفروٹ شاپس رات 10بجےبندہوں گے

حکام کے مطابق ہوٹلز، ریسٹورنٹس، فوڈ آؤٹ لیٹس، تندور، کریانہ اسٹورز اور سبزی و فروٹ شاپس رات 10 بجے تک کھلے رہ سکیں گے، جبکہ ٹیک اوے اور ہوم ڈیلیوری کی سہولت جاری رہے گی۔

اسی طرح شادی ہالز، مارکیز اور دیگر تقریباتی مقامات کو بھی رات 10 بجے بند کرنے کا حکم دیا گیا ہے، جبکہ اسپورٹس فیسلٹیز، کلبز اور جمنازیمز رات 8 بجے بند ہوں گے۔

مزید پڑھیں:اسٹاک مارکیٹ کا میوچل فنڈ سرمایہ کاروں کیلئے سوئنگ پرائسنگ سسٹم کے نفاذ پر غور

نوٹیفکیشن کے مطابق ان احکامات کا اطلاق 16 اپریل 2026 سے ہوگا اور یہ ہدایات تاحکم ثانی نافذ العمل رہیں گی۔