اللہ سے چھوٹی نہیں، بڑی چیزیں مانگو: ابرار الحق کا نوجوانوں کو پیغام

پاکستان کے معروف گلوکار، سماجی کارکن اور سیاستدان Abrar-ul-Haq نے نوجوان نسل کو امید اور حوصلے کا پیغام دیتے ہوئے کہا ہے کہ انسان کو اللہ سے ہمیشہ بڑی اور بلند چیزیں مانگنی چاہئیں کیونکہ وہ ناممکن کو ممکن بنانے کی قدرت رکھتا ہے۔

اپنے ایک حالیہ انٹرویو میں ابرار الحق نے کہا کہ موجودہ معاشی حالات، محدود مواقع اور بڑھتی ہوئی بے یقینی نے نوجوانوں میں مایوسی پیدا کر دی ہے، جس کے باعث بڑی تعداد میں نوجوان ملک چھوڑنے کے بارے میں سوچ رہے ہیں یا پہلے ہی بیرونِ ملک منتقل ہو چکے ہیں۔

انہوں نے کہا کہ زندگی میں سب سے اہم چیز مضبوط یقین اور مثبت سوچ ہے۔ ان کے مطابق اگر انسان محنت کے ساتھ دعا اور امید کو جوڑ لے تو حالات بدل سکتے ہیں۔

مزیدپڑھیں:مومنہ اقبال اور ثاقب چدھڑ کے درمیان تنازع شدت اختیار کر گیا

ابرار الحق نے اپنی ذاتی مثال دیتے ہوئے کہا کہ انہوں نے کبھی نہیں سوچا تھا کہ وہ اس مقام تک پہنچیں گے جہاں آج ہیں، لیکن اللہ نے انہیں غیر متوقع کامیابیاں عطا کیں۔

انہوں نے نوجوانوں پر زور دیا کہ مایوسی کے بجائے امید، محنت اور خود اعتمادی کو اپنائیں، کیونکہ یہی راستہ زندگی میں آگے بڑھنے اور بہتر مستقبل کی طرف لے جاتا ہے۔