نواب شاہ میں طوفانی بارش ، درجنوں مکانات منہدم ، 10 افراد جاں بحق ، 50 زخمی‘بجلی کا نظام درہم برہم

نواب شاہ(Nawab Shah) میں طوفانی بارش کے باعث گھروں کی چھتیں اور دیواریں گرنے کے نتیجے میں 10 افراد جاں بحق اور 50 سے زائد زخمی ہو گئے۔

ڈی سی شہید بینظیر آباد عبدالصمد نظاماٹی کے مطابق چھتیں اور دیواریں گرنے واقعات قاضی احمد ، خیر پور ناتھن شاہ اور دیگر علاقوں میں رونما ہوئے ، جاں بحق ہونے والوں میں 4 خواتین بھی شامل ہیں۔

مزیدپڑھیں:توانائی بچت مہم، وزیراعظم نے نئے کاروباری اوقات کی منظوری دیدی

طوفان کے باعث بجلی کے درجنوں پول بھی گر گئے جس کی وجہ سے رات گئے سے بجلی کی سپلائی کا نظام درہم برہم ہے ، طوفان کے باعث سیکڑوں سولر پلیٹیں بھی اڑ کر ٹوٹ گئیں۔اس کے علاوہ لاڑکانہ میں طوفانی بارش کے باعث 132 کے وی مین سپلائی کے ٹاور گرنے سے بجلی کی سپلائی معطل ہو گئی۔