پرو ہاکی لیگ، قومی ٹیم کوبیلجیم کے بعد سپین کے ہاتھوں بھی شکست

برسلز، ایف آئی ایچ پرو ہاکی لیگ میں قومی ہاکی ٹیم(National hockey team) کی ناقص کارکردگی کا سلسلہ جاری ہے، جہاں بیلجیم کے بعد اسپین نے بھی پاکستان کو 1-5 سے شکست دے دی۔

قومی ٹیم اس سے قبل بیلجیم کے خلاف ایک کے مقابلے میں سات گول سے ہاری تھی، جبکہ اسپین کے خلاف بھی پاکستانی کھلاڑی دباؤ کا شکار دکھائی دیے اور مؤثر کھیل پیش نہ کر سکے۔

بیلجیم کے خلاف دفاعی لائن کی کمزوری نمایاں رہی، جبکہ اسپین کے خلاف بھی دفاع اور حملے دونوں شعبوں میں قومی ٹیم توقعات پر پورا نہ اتر سکی۔

مزید پڑھیں:بیروت پر اسرائیلی حملے کا سخت جواب جلد آنے والا ہے، ایران

مسلسل شکستوں کے بعد قومی ہاکی ٹیم کی تیاری، حکمت عملی اور مجموعی کارکردگی پر سوالات اٹھنے لگے ہیں، موجودہ فارم کے پیش نظر ٹیم کو آئندہ میچز میں بہتر نتائج کے لیے سخت محنت، مؤثر منصوبہ بندی اور دفاعی و جارحانہ کھیل میں واضح بہتری کی ضرورت ہوگی۔