پیر 24 اگست 2026 
واشنگٹن: امریکی صدر ڈونلڈ ٹرمپ نے کینیڈا کی گاڑیوں، ٹرکوں، اسپیئر پارٹس اور اسٹیل پر ٹیرف بڑھا کر 50 فیصد کرنے کا اعلان کر دیا۔
غیر ملکی خبر رساں ایجنسی کے مطابق امریکی صدر ڈونلڈ ٹرمپ نے کہا ہے کہ کینیڈا برسوں سے امریکا کو لوٹتا آ رہا ہے۔ اور دونوں ممالک کے درمیان تجارتی خسارہ 60 ارب ڈالر سے بڑھ گیا ہے۔
یہ صورتحال پائیدار نہیں اور اب مزید نہیں چلے گی۔ یکم جنوری 2027 سے گاڑیوں، ٹرکوں، اسپیئر پارٹس اور اسٹیل پر ٹیرف کی شرح 50 فیصد کر دی جائے گی۔
انہوں نے کہا کہ جو کمپنیاں امریکا میں گاڑیاں یا ٹرک تیار کریں گی، انہیں ٹیرف ادا نہیں کرنا ہو گا۔ اس اقدام کا مقصد امریکا میں مقامی مینوفیکچرنگ کو فروغ دینا اور صنعتی شعبے میں سرمایہ کاری بڑھانا ہے۔
ڈونلڈ ٹرمپ نے کہا کہ ٹیرف پالیسی کے ذریعے امریکی صنعت اور روزگار کے مواقع کو تحفظ فراہم کیا جائے گا۔
مزید پڑھیں:برطانیہ کا یوکرین کو 241 کلومیٹر لونگ رینج میزائلوں کے بلیو پرنٹس دینے کا اعلان
انہوں نے کہا کہ اب کینیڈا کے ساتھ کسی امریکی ریاست کی طرح سلوک نہیں کیا جائے گا، ہمیں کینیڈا کی ضرورت نہیں بلکہ کینیڈا کو ہماری ضرورت ہے۔ کینیڈا کی 95 فیصد تجارت امریکا کے ساتھ ہے۔
