ہفتہ 19 ستمبر 2026 
افغان طالبان(Afghan Taliban) کے ترجمان ذبیح اللّٰہ مجاہد کا کہنا ہے کہ افغانستان پاکستان سے بات چیت اور تعاون جاری رکھنا چاہتا ہے، سعودی عرب کے فیصلوں اور اس کی ثالثی کی کوششوں کا احترام کرتے ہیں۔
عرب میڈیا کو انٹرویو میں ذبیح اللّٰہ مجاہد کا کہنا ہے کہ پاک افغان تنازعات حل کروانے میں سعودی عرب سمیت تمام ممالک کی کوششوں کا خیر مقدم کرتے ہیں۔
انہوں نے کہا ہے کہ سعودی عرب سے توقعات ہیں کہ افغانستان اور پاکستان کا دوست ہونے کی حیثیت سے اپنا کردار ادا کرے، سعودی عرب اس معاملے میں مثبت کردار ادا کر سکتا ہے۔
مزیدپڑھیں:ایشین گیمز میں سیاست سے گریز کریں، او سی اے صدر کا شریک ممالک سے مطالبہ
ذبیح اللّٰہ مجاہد کا کہنا ہے کہ افغان عوام کے دل میں بھی سعودی عرب اور دونوں مقدس مساجد کے لیے بہت محبت اور احترام ہے۔
افغان طالبان کے ترجمان نے کہا ہے کہ اُمید ہے کہ سعودی حکام ثالثی کی اپنی کوششیں مؤثر انداز میں جاری رکھیں گے اور دونوں ملکوں کے درمیان موجود مسائل حل کرنے میں مدد کریں گے۔
