پاکستان امن کے فروغ کیلئے تیار ہے، وزیراعظم شہباز شریف کی ایران کے صدر سے ملاقات

وزیراعظم شہباز شریف(Shehbaz Sharif) نے گزشتہ روز اقوام متحدہ میں ایرانی صدر مسعود پزشکیان سے ملاقات کے بعد کہا کہ پاکستان امن کے فروغ اور کشیدگی میں کمی لانے کے لیے مدد کرنے کو تیار ہے۔

یہ ملاقات اقوام متحدہ کی جنرل اسمبلی کے 81ویں اجلاس کے عمومی مباحثے کے موقع پر ہوئی، جس میں دنیا بھر کے رہنما نیویارک میں جمع ہوئے ہیں۔

صحافیوں سے گفتگو کرتے ہوئے شہباز شریف نے ملاقات کو بہت اچھی قرار دیا اور کہا کہ انہوں نے ایرانی صدر کو یقین دلایا ہے کہ اسلام آباد امن عمل میں تعاون کے لیے تیار ہے۔

مزیدپڑھیں:عالمی منڈی میں تیل سستا ہوگیا

انہوں نے اسلام آباد مفاہمتی یادداشت (ایم او یو) کو بہت جامع قرار دیتے ہوئے کہا کہ ایرانی صدر بھی ان سے متفق تھے، تاہم انہوں نے اس دستاویز کی مزید تفصیلات فراہم نہیں کیں۔

وزیراعظم محمد شہباز شریف کی اقوام متحدہ کی جنرل اسمبلی کے اجلاس کے موقع پر جمہوریہ لبنان کے وزیراعظم عزت مآب نواف سلام سے ملاقات

وزیراعظم محمد شہباز شریف نے آج نیویارک میں اقوام متحدہ کی جنرل اسمبلی (UNGA) کے 81ویں اجلاس کے موقع پر لبنانی وزیراعظم نواف سلام سے ملاقات کی۔

دونوں… pic.twitter.com/hoAe5q12MT

— Government of Pakistan (@GovtofPakistan) September 24, 2026

جب ان سے پوچھا گیا کہ آیا اسرائیل اور ایران کے مؤقف میں موجود فاصلے کے باعث مذاکرات کامیاب ہوسکتے ہیں، تو شہباز شریف نے رکاوٹوں کا اعتراف کیا تاہم امید کا اظہار کیا۔

انہوں نے کہا کہ امن کا حصول کبھی آسان نہیں رہا۔ رکاوٹیں ہیں، مشکلات ہیں، لیکن ہم پُرامید ہیں۔ انہوں نے مزید کہا کہ ممالک کو مل کر کام کرنا چاہیے اور دیگر دوست ممالک کی حمایت حاصل کرنی چاہیے۔

لبنان کی پاکستان کی سفارتی کوششوں کی حمایت

دریں اثنا، لبنان کے وزیراعظم نواف سلام نے امریکا اور ایران کے درمیان تنازع کا سفارتی حل تلاش کرنے اور اسے مزید بڑھنے سے روکنے کے لیے پاکستان کی کوششوں کو سراہا۔

نواف سلام نے کہا کہ پاکستان گزشتہ ایک ماہ سے کشیدگی کم کرنے اور سفارتی حل کی کوششوں میں مصروف ہے، اور انہیں امید ہے کہ اسلام آباد خطے میں کشیدگی کم کرنے میں کامیاب ہوگا۔

انہوں نے لبنان کی صورتحال کے حوالے سے پاکستان کی کوششوں پر وزیراعظم شہباز شریف کا بھی شکریہ ادا کیا۔

پاکستان نے واشنگٹن اور تہران کے درمیان رابطے برقرار رکھنے کے لیے سفارتی کوششیں جاری رکھی ہوئی ہیں، جبکہ پاکستانی حکام دونوں فریقوں سے رابطے میں ہیں۔ قطر بھی نیویارک میں امریکا اور ایران کے درمیان بالواسطہ سفارت کاری میں کردار ادا کر رہا ہے۔

وزیراعظم محمد شہباز شریف کی اقوام متحدہ کی جنرل اسمبلی کے اجلاس کے موقع پر عوامی جمہوریہ بنگلہ دیش کے وزیراعظم عزت مآب طارق رحمان سے ملاقات

وزیراعظم محمد شہباز شریف نے نیویارک میں اقوام متحدہ کی جنرل اسمبلی کے 81ویں اجلاس کے موقع پر بنگلہ دیش کے وزیراعظم عزت مآب جناب طارق رحمان… pic.twitter.com/Btel4whC33

— Government of Pakistan (@GovtofPakistan) September 24, 2026