اتوار 27 ستمبر 2026 
لاہور کےعلاقے ڈیفنس میں غیرملکی لڑکی سے مبینہ زیادتی کے واقعےمیںتینوں افراد کو سہولت کاری کےشبےمیں حراست میں لیا گیا ہے۔
پولیس ذرائع کےمطابق مرکزی ملزم کےرشتہ دار کےگھر سےوقوعہ میں استعمال ہونےوالی گاڑی برآمد اورلڑکی کا ابتدائی میڈیکل بھی کرا لیاگیاہے۔
تفتیشی ذرائع کےمطابق متاثرہ لڑکی کی ٹریول ہسٹری بھی سامنے آگئی ہے،لڑکی مارچ اورمئی میں 2 مرتبہ پہلےپاکستان آچکی ہے،لڑکی 4 مارچ کو تاشقند سے لاہورآئی اور 20 مارچ کو باکو روانہ ہوئی،دوسری مرتبہ 22 مئی کو باکو سے پاکستان آئی، جبکہ تقریباً 15 روز قبل وہ تیسری بار لاہور پہنچی۔
ذرائع کاکہنا ہےکہ غیرملکی لڑکی کپڑے کےکاروبار کےسلسلے میں لاہور اورفیصل آباد آتی جاتی رہی ہے اور وہ اردو زبان سمجھنے اور بولنے کی صلاحیت بھی رکھتی ہے۔
مزید پڑھیں:عازمینِ حج کی سہولت کیلئے پاک حج ایپ میں متعدد نئے فیچرز متعارف
ابتدائی تفتیش میں سامنے آیا کہ غیرملکی لڑکی کا کئی لوگوں سے ملنا جلنا تھا، لڑکی کی پنجاب اسمبلی میں موجودگی کی تصویر بھی سامنے آئی،پولیس واقعے کے مختلف پہلوؤں کی تحقیقات کر رہی ہے۔
