اسٹار شپ کی پہلی مداری پرواز، بحرالکاہل میں واپسی کے دوران دھماکے سے تباہ

کمپنی نے راکٹ کی سمندر میں واپسی کی تصدیق کرتے ہوئے اسے اسٹار شپ کی پہلی مداری پرواز قرار دیا

اسپیس ایکس کا اسٹار شپ راکٹ پہلی بار کامیابی کے ساتھ مدار میں پہنچنے کے بعد زمین واپسی پر بحرالکاہل میں چلی کے قریب دھماکے سے پھٹ گیا۔

واقعے سے قبل اسٹار شپ کے تین مرکزی انجنوں میں سے ایک نے کام کرنا چھوڑ دیا تھا۔ اسپیس ایکس کی جانب سے جاری کی گئی ویڈیو میں راکٹ کی لانچنگ، مدار میں پہنچنے اور واپسی کے مراحل دکھائے گئے لیکن دھماکے سے عین قبل ویڈیو ختم کردی گئی۔

کمپنی نے بعد میں اس کی سمندر میں واپسی کی تصدیق کرتے ہوئے اسے اسٹار شپ کی پہلی مداری پرواز قرار دیا۔

یہ اسٹار شپ کی 14 ویں آزمائشی پرواز تھی اور اسے اسپیس ایکس کے اس منصوبے کے لیے اہم تجربہ سمجھا جا رہا تھا جس کے تحت مستقبل میں انسانوں کو چاند اور مریخ تک پہنچانے کے لیے اس خلائی جہاز کو استعمال کرنے کا ہدف رکھا گیا ہے۔

مزید پڑھیں:صومالیہ، بحری قزاقوں سے جہاز بازیاب، 3 پاکستانیوں سمیت 5 افراد جاں بحق

اس سے قبل اسٹار شپ کی متعدد آزمائشی پروازیں بحر ہند تک پہنچنے کے بعد ناکام ہوئی تھیں، جن میں بعض راکٹ فضا میں تباہ ہوگئے تھے۔