پیر 9 نومبر 2026 
ارجنٹینا کے عالمی شہرت یافتہ فٹبالر اور انٹر میامی کے کپتان لیونل میسی(Lionel Messi) نے مسلسل 2 سیزن میں گولڈن بوٹ ایوارڈ جیت کر نئی تاریخ رقم کردی، میسی میجر لیگ سوکر کی تاریخ میں یہ اعزاز مسلسل 2 مرتبہ حاصل کرنے والے پہلے کھلاڑی بن گئے ہیں۔
میسی نے 2026ء کے سیزن میں 31 میچز کھیل کر 26 گول کیے اور 17 گول کرنے میں معاونت فراہم کی، اس طرح وہ مجموعی طور پر 43 گولز میں براہ راست شریک رہے اور لیگ کے سرفہرست کھلاڑی قرار پائے۔
دوسری پوزیشن پر ایف سی ڈیلاس کے پیٹر موسا 22 گولز کے ساتھ رہے۔
مزیدپڑھیں:بال ٹیمپرنگ اسکینڈل پر ڈیوڈ وارنر بھی بول پڑے
میسی نے 2025ء کے سیزن میں بھی 29 گول کر کے گولڈن بوٹ ایوارڈ اپنے نام کیا تھا، وہ اب لیگ کی تاریخ کے صرف 6 کھلاڑیوں میں شامل ہوگئے ہیں جنہوں نے یہ اعزاز ایک سے زائد بار حاصل کیا ہے۔
اس فہرست میں کرس وونڈولووسکی اور بریڈلی رائٹ فلپس بھی شامل ہیں۔
میسی کے 26 گولز میں سے صرف 1 پنالٹی کک پر تھا جبکہ ان کی فی میچ گول کرنے کی اوسط 0.87 رہی۔
