پاک سری لنکا ٹیسٹ سیریز؛ قومی اسکواڈ کا تیاریوں کیلئے آپشنل ٹریننگ سیشن

پاکستان اور سری لنکا کے درمیان سیریز کا دوسرا ٹیسٹ 17 سے 21 نومبر تک راولپنڈی کرکٹ اسٹیڈیم میں کھیلا جائے گا

پاکستان اور سری لنکا کے درمیان دوسرے ٹیسٹ سے قبل قومی ٹیسٹ اسکواڈ نے تیاریوں کا سلسلہ جاری رکھا، 12 کھلاڑیوں نے اتوار کو آپشنل ٹریننگ سیشن میں حصہ لیا۔

اسلام آباد کلب میں دو گھنٹے جاری رہنے والے ٹریننگ سیشن میں بلے بازوں نے کوچز کی نگرانی میں نیٹس میں بیٹنگ کی جبکہ سری لنکن ٹیسٹ اسکواڈ بھی اسلام آباد کلب میں ٹریننگ کرے گا۔

پاکستان اور سری لنکا کے درمیان سیریز کا دوسرا ٹیسٹ 17 سے 21 نومبر تک راولپنڈی کرکٹ اسٹیڈیم میں کھیلا جائے گا۔ دونوں ٹیموں کے درمیان پہلا ٹیسٹ میچ ڈرا ہوگیا تھا۔