پاکستان آئندہ 20 سال میں G20 کا رکن بننے کی صلاحیت رکھتا ہے، قیصر شیخ

وفاقی وزیر سرمایہ کاری قیصر احمد شیخ کا کہنا ہے کہ پاکستان آئندہ 20 سال میں جی 20 کا رکن بننے کی صلاحیت رکھتا ہے، نوجوان ملک کی ترقی میں کردار ادا کریں۔

قیصر احمد شیخ نے مزید کہا کہ پاکستان میں کاروبار اور سرمایہ کاری کے وسیع مواقع موجود ہیں، کامیابی کے لیے بیرون ملک جانا ضروری نہیں، خواتین کی اعلیٰ تعلیم اور نوجوانوں کو جدید مہارتوں سے آراستہ کرنا ملکی ترقی کے لیے ناگزیر ہے۔

وفاقی وزیر سرمایہ کاری نے کہا کہ جنوبی کوریا نے ماضی میں پاکستان کی منصوبہ بندی سے استفادہ کیا، پاکستان میں 6 سے 7 فیصد معاشی ترقی کی شرح رہی، پاکستان 25 کروڑ آبادی اور بے پناہ قدرتی وسائل کا حامل ملک، نوجوان ملکی ترقی کا سب سے بڑا سرمایہ ہیں۔