ملک کے مختلف علاقوں میں موسلادھار بارش، شہری سیلاب کا خدشہ

اسلام آباد(Islamabad) راولپنڈی، پشاور، مردان، سوات، گوجرانوالہ، لاہور اور دیگر علاقوں میں آج موسلادھار بارش کی پیش گوئی کی گئی ہے، جبکہ نشیبی علاقوں میں شہری سیلاب کا خدشہ ظاہر کیا گیا ہے۔

محکمہ موسمیات کے مطابق اسلام آباد، راولپنڈی، پوٹھوہار، بالائی پنجاب، کشمیر، بالائی و وسطی خیبر پختونخوا اور گلگت بلتستان میں گرج چمک کے ساتھ وقفے وقفے سے بارش متوقع ہے، بعض مقامات پر موسلادھار بارش بھی ہوسکتی ہے۔

راولپنڈی، مری، گلیات، اٹک، چکوال، جہلم، گجرات، گوجرانوالہ، سیالکوٹ، نارووال، لاہور، قصور اور شیخوپورہ میں بارش جبکہ پوٹھوہار، گجرات، گوجرانوالہ، سیالکوٹ، نارووال اور لاہور میں موسلادھار بارش کا امکان ہے۔

یہ ڈی ایچ اے اسلام آباد ہے راولپنڈی اسلام آباد کی پانی کی گزرگاہوں پر بستیاں بنا دی ہیں پھر بارش میں یہ حال ہوتا ہے پنڈی کے ساتھ ایک ظلم یہ ہوا کہ اس کے اردگرد جتنی شاملات اور جنگلات کی زمینیں تھیں سب ہاوسنگ سوسائٹی نگل گئیں اب پنڈی برباد شہر ہے۔@sajidsheikh321 @HussainAhmedCh8 pic.twitter.com/q7ZjQSEd4n

— Media Talk (@mediatalk922) August 20, 2026

خیبر پختونخوا کے مختلف اضلاع، بالخصوص مردان، صوابی، نوشہرہ، پشاور، ایبٹ آباد اور ہری پور میں بھی بارش اور گرج چمک کی پیش گوئی کی گئی ہے۔ کشمیر اور گلگت بلتستان میں بھی بارش کا سلسلہ جاری رہنے کا امکان ہے۔
مزیدپڑھیں:تصویر میں چھپا خزانہ: کیا آپ تمام اشیا تلاش کرسکتے ہیں؟
محکمہ موسمیات نے اسلام آباد، راولپنڈی، مردان، صوابی، پشاور، نوشہرہ، گوجرانوالہ، گجرات، سیالکوٹ اور لاہور کے نشیبی علاقوں میں شہری سیلاب جبکہ کشمیر، مری، گلیات اور اسلام آباد و راولپنڈی کے مقامی نالوں میں طغیانی کا خدشہ ظاہر کیا ہے۔ پہاڑی علاقوں میں لینڈ سلائیڈنگ کا بھی خطرہ ہے۔