کراچی: گیسٹرو کیسزمیں غیرمعمولی اضافہ، روزانہ سیکٹروں مریض اسپتال پہنچنے لگے

کراچی میں شدید گرمی کے باعث گیسٹرو کے کیسز (Gastro cases report)میں غیرمعمولی اضافہ دیکھنے میں آ رہا ہے۔مریض الٹی، موشن، پیٹ درد اور ڈائریا کی شکایات کے ساتھ آرہے ہیں : اسپتال حکام

حکام کے مطابق پیٹ کی بیماریوں میں مبتلا روزانہ 150 سے زائد مریض جناح اسپتال آرہے ہیں جبکہ عام دنوں میں پیٹ کے امراض کے ساتھ آنے والےمریضوں کی تعداد 50 تک تھی۔

اس حوالے سے طبی ماہرین کا کہنا ہے کہ شہری صاف اور ابلا ہوا پانی پئیں، باسی اور کھلے کھانوں سے پرہیز کریں،کھانے سے پہلے ہاتھ ضرور دھوئیں اورصفائی کا خاص خیال رکھیں۔

مزید پڑھیں:امریکا ایران جنگ خاتمے کا 14 نکاتی فارمولا تیار، فریقین میمو پر اتفاق کے قریب

طبی ماہرین نے شہریوں کو دیے گئے مشورے میں کہا ہے کہ گرمی میں زیادہ پانی، او آر ایس اور مشروبات کا استعمال کریں۔اسپتال حکام کا کہنا ہے کہ مریض الٹی، موشن، پیٹ درد اور ڈائریا کی شکایات کے ساتھ آرہے ہیں۔