ارجنٹینا سے شکست کے باوجود مصری فٹبال ٹیم کا ہوٹل پہنچنے پر شاندار استقبال

فیفا ورلڈکپ (Fifa World Cup)کے پری کوارٹر فائنل میچ میں ارجنٹینا سے شکست کے باوجود مصری فٹبال ٹیم کا ہوٹل پہنچنے پر شاندار استقبال کیا گیا۔
امریکا کے شہر اٹلانٹا میں کھیلے گئے میچ میں فیفا ورلڈکپ 2026ء کے راؤنڈ آف 16 میں ارجنٹینا نے 2 گول کے خسارے میں جانے کے بعد 2-3 سے کامیابی حاصل کی تھی۔

Mohamed Salah and Egypt receive the reception of HEROES upon arrival to the national team hotel after a devastating loss to Argentina:

“Hold your head high, you’re Egyptian, the players are true men!” ❤️🇪🇬 pic.twitter.com/KHk3AIOuif

— Salah Updates #WorldCup (@SalahUpdates) July 7, 2026

پری کوارٹر فائنل میں ارجنٹینا سے شکست نے مصری فینز کی اپنی ٹیم کیلئے چاہت کم نہیں کی اور یہی وجہ ہے کہ ٹورنامنٹ سے باہر ہونے کے باوجود مصر ٹیم کے فینز نے اپنی ٹیم کا ہوٹل میں شاندار استقبال کیا۔

مصری ٹیم جب اٹلانٹا میں اپنے ہوٹل پہنچی تو ہوٹل کے باہر ہزاروں مداح اپنی ٹیم کے استقبال کیلئے موجود تھے، انہوں نے ورلڈکپ میں شاندار کارکردگی دکھانے پر کھلاڑی کو شاباش دی اور ان کے حق میں نعرے لگائے۔

مزیدپڑھیں:حملوں میں ایران کے فضائی دفاعی اور میزائل نظام کو نشانہ بنایا گیا، امریکی حکام

یاد رہے کہ مصر کے خلاف میچ میں ریفری کی جانب سے کچھ متنازعہ فیصلوں پر سوشل میڈیا، مصری کھلاڑی اور کوچ کی جانب سے ریفری کو شدید تنقید کا نشانہ بنایا جارہا ہے۔

ارجنٹینا کے خلاف میچ کے دوسرے ہاف میں مصر کا ایک گول وی اے آر کے ذریعے مسترد کر دیا گیا، ریفری نے تقریباً 100 گز دور ہونے والے ایک مبینہ فاؤل کی بنیاد پر گول منسوخ کیا جس پر مصری ٹیم نے سخت اعتراض کیا تھا۔