نشرہ سندھو کا تاریخی کارنامہ، کئی ریکارڈز اپنے نام کیے، وکٹیں لینے پر 6 کا اشارہ بھی کیا

Calender Icon منگل 23 ستمبر 2025

پاکستان اور جنوبی افریقہ کے تیسرے ون ڈے میچ میں قومی ٹیم کی اسپنر نشرہ سندھو نے شاندار کارکردگی دکھاتے ہوئے 6 وکٹیں حاصل کرکے کئی ریکارڈز اپنے نام کر لیے، مین آف دی میچ کا ایوارڈ جیتنے کے بعد 6 کا اشارہ بھی کیا۔

نشرہ نے اپنے کیریئر کے 75 ویں ون ڈے میں صرف 9 اوورز میں 26 رنز دے کر 6 کھلاڑی آؤٹ کیے، جو ان کے کیریئر کی بہترین بولنگ ہے، جس نے ثنا میر کے 2010ء میں نیدرلینڈز کے خلاف 5/32 کے ریکارڈ کو پیچھے چھوڑ دیا۔

پاکستان کی طرف سے بہترین بولنگ کا ریکارڈ تاحال سجیدہ شاہ کے پاس ہے جنہوں نے 2003ء میں جاپان کے خلاف صرف 4 رنز پر 7 کھلاڑیوں کو پویلین کی راہ دکھائی تھی۔

نشرہ سندھو نے ویمنز ون ڈے کرکٹ میں 100 وکٹیں مکمل کرنے والی تیسری پاکستانی بولر ہونے کا اعزاز بھی حاصل کر لیا، اس سے قبل یہ سنگ میل ثنا میر اور ندا ڈار عبور کر چکی ہیں۔

قذافی اسٹیڈیم لاہور میں کھیلے گئے میچ میں پاکستان ٹیم نے 116رنز کا ہدف 4 وکٹوں کے نقصان پر پورا کرتے ہوئے میچ 6 وکٹوں سے جیت لیا، البتہ جنوبی افریقی ویمنز نے 3 ون ڈے میچز کی سیریز 1-2 سے اپنے نام کی۔

شاندار بولنگ کرنے پر پاکستان کی نشرہ سندھو کو پلیئر آف دی میچ کا ایوارڈ دیا گیا، جس کے بعد نشرہ نے انگلیوں کے اشارے سے 6 کا نشان بنایا۔

ان کا یہ وننگ مومنٹ سوشل میڈیا پر وائرل ہوگیا، جس نے شائقین کی توجہ اپنی جانب مبذول کر لی، صارفین معرکہ حق میں پاک فضائیہ کی جرات مندانہ کارروائی میں بھارتی رافیل طیارے گرانے کے 0-6 کے اسکور سے تشبیہ دے رہے ہیں اور بھارت پر طنزیہ کمنٹس کر رہے ہیں۔


اس سے قبل دوسرے ون ڈے میں پاکستانی اوپنر سدرہ امین نے اپنی چھٹی سنچری کے بعد بھی یہی اشارہ کیا تھا، جس پر بھارتی سوشل میڈیا صارفین نے شور مچایا تھا کہ پاکستانی کھلاڑی کھیل میں سیاست لارہی ہیں۔

مزید خبریں

ایشیا کپ فائنل: پاکستان کیخلاف میچ کیلئے بھارتی ٹیم میں تبدیلیوں کا امکان

1 گھنٹے قبل

بائیکاٹ سے یوٹرن؛ بھارت میں ایشیا کپ فائنل 100 سے زائد سینما گھروں میں دکھائے جانے کا اعلان

1 گھنٹے قبل

معروف بھارتی باکسر میری کوم سب کچھ لُٹا بیٹھیں

1 گھنٹے قبل

پی سی بی کا سوریا کمار یادیو کے بعد ارشدیپ سنگھ کیخلاف ایکشن

2 گھنٹے قبل

ایشیا کپ فائنل، دبئی پولیس کے حفاظتی انتظامات مکمل

2 گھنٹے قبل

ایشیا کپ کا تاج، فیصلہ آج، پاکستان انتقام کیلئے بے تاب، بھارت ہیٹ ٹرک کیلئے تیار

2 گھنٹے قبل

تازہ ترین

معلومات تک رسائی ہر شہری کا بنیادی اور جمہوری حق ہے،صدر مملکت
16 منٹ قبل

گردوں کی غیرقانونی پیوندکاری میں ملوث گینگ کا کارندہ مردان سےگرفتار
33 منٹ قبل

باجوڑ میں دھماکا، 3 بچے شہید اور 5 زخمی
39 منٹ قبل

معلومات تک رسائی جمہوری حق ہے: وزیراعظم
44 منٹ قبل

غزہ میں جو کچھ ہو رہا ہے وہ نسل کشی کے سوا کچھ نہیں: جینیفر لارنس
59 منٹ قبل