بدھ 26 اگست 2026 
سابق ممبئی انڈر 19 کرکٹر انایا بنگر کے دوبارہ مسابقتی خواتین کی کرکٹ(Cricket) میں واپسی کے امکانات روشن ہوگئے ہیں۔
کرکٹ آسٹریلیا نے 25 سالہ انایا کو ملک میں کمیونٹی سطح کی خواتین کی کرکٹ کھیلنے کی اجازت دے دی ہے جس کے بعد وہ مختلف ریاستوں اور علاقوں کی پریمیئر کرکٹ میں فوری طور پر حصہ لے سکتی ہیں۔
انایا نے 2022 میں اپنی صنفی تبدیلی کا عمل شروع کیا تھا اور بعد ازاں متعلقہ سرجری بھی کرائی۔
ان کا کہنا ہے کہ ایک وقت میں انہیں خدشہ تھا کہ ان کا کرکٹ کیریئر ختم ہوچکا ہے تاہم کرکٹ آسٹریلیا کی جامع پالیسی نے انہیں دوبارہ میدان میں اترنے کا موقع دیا ہے۔
کرکٹ آسٹریلیا کے مطابق مارچ 2027 سے ایلیٹ کرکٹ میں ان کی شرکت مخصوص شرائط پوری کرنے سے مشروط ہوگی۔
مزیدپڑھیں:اشنا شاہ اور حمزہ امین کے ہاں پہلے بچے کی پیدائش، اداکارہ نے بیٹے کی تصاویر شیئر کر دیں
انہیں آسٹریلیا پہنچنے پر خون کا ٹیسٹ کرانا ہوگا جس میں سیرم ٹیسٹوسٹیرون کی سطح 10 نانومول فی لیٹر سے کم ثابت ہونا ضروری ہے۔
اگر وہ تمام اہلیت کے معیار پر پورا اترتی ہیں تو ویمنز بگ بیش لیگ میں کھیلنے کی راہ بھی ہموار ہوسکتی ہے۔
‘Great day’, says trans athlete Anaya Bangar after Cricket Australia okays participation
By @pdevendra https://t.co/Z0S3wpDj25
— Express Sports (@IExpressSports) August 25, 2026
دوسری جانب بی سی سی آئی کے ایک عہدیدار نے کہا ہے کہ بھارتی بورڈ کے پاس ٹرانس جینڈر خواتین کی خواتین کی کرکٹ میں شرکت سے متعلق فی الحال کوئی مخصوص پالیسی موجود نہیں ہے۔
