غزہ جانے والے امدادی بحری قافلے کے دو کارکن اسرائیلی فورسز کی تحویل میں

غزہ (Gaza) کے لیے امدادی سامان لے جانے والے بحری قافلے میں شامل دو کارکنوں کو اسرائیلی فورسز نے روک کر اپنی تحویل میں لے لیا ہے۔

Israeli Ministry of Foreign Affairs کے مطابق “گلوبل صمود فلوٹیلا” نامی امدادی قافلے کی کچھ کشتیاں بین الاقوامی پانیوں میں روکی گئیں۔ اس کارروائی کے دوران دو کارکنوں کو حراست میں لیا گیا جن میں ہسپانوی شہری سیف ابو کشک اور برازیلی شہری تھیاغو اویلا شامل ہیں۔

وزارتِ خارجہ کا کہنا ہے کہ دونوں افراد کو قانون نافذ کرنے والے اداروں کے حوالے کیا جا رہا ہے تاکہ ان سے مزید تفتیش کی جا سکے۔

برطانیہ میں مستقل رہائش کی درخواستوں میں نمایاں اضافہمزید پڑھیں؛

بیان میں یہ بھی دعویٰ کیا گیا ہے کہ یہ افراد ایک ایسی تنظیم سے منسلک ہیں جس پر امریکا نے پابندیاں عائد کر رکھی ہیں اور جس کے بارے میں اسرائیل کا مؤقف ہے کہ اس کے بعض عناصر کے حماس سے روابط ہو سکتے ہیں۔

واقعے کے بعد امدادی قافلے اور انسانی حقوق کے حلقوں کی جانب سے تشویش کا اظہار کیا جا رہا ہے، جبکہ صورتحال پر مزید تفصیلات سامنے آنے کا انتظار ہے۔