آذربائیجان پاکستانیوں کیلئے غیر قانونی ہجرت کا گڑھ بن گیا

وزارتِ داخلہ کے ڈیٹا سے معلوم ہوا ہے کہ سال 2026ء کے پہلے پانچ مہینوں کے دوران پاکستان نہ لوٹنے والوں کی شرح بڑھ کر 17 اعشاریہ 96 فیصد تک پہنچ گئی ہے، اس کا مطلب یہ ہے کہ اس عرصے میں آذربائیجان جانے والے تقریباً ہر چھ پاکستانیوں میں سے ایک شخص واپس نہیں آیا، واپس نہ لوٹنے والے 7 ہزار 721 افراد میں سے 5 ہزار 447 مسافر ایسے تھے جنہوں نے ٹورسٹ یا وزٹ ویزہ پر آذربائیجان کا سفر کیا، سب سے زیادہ واپس نہ لوٹنے کی شرح وزٹ ویزہ رکھنے والے افراد میں ریکارڈ کی گئی، جو اس بات کا ثبوت ہے کہ ان ویزوں کو غیر قانونی ہجرت کے لیے استعمال کیا جا رہا ہے۔