یاسین ملک کا 25 صفحات پر مشتمل مبینہ بیان حلفی، اہلیہ کو نکاح سے آزاد کرنے کا ذکر

یاسین ملک نے شدید افسوس کا اظہار کیا کہ ان کی طویل قید و بند کی وجہ سے ان کا پورا خاندان مسلسل ذہنی و جسمانی اذیت سے گزر رہا ہے۔ اپنے اس حلف نامے کے آخر میں یاسین ملک نے مقبوضہ کشمیر کے عوام اور بیرون ملک مقیم کشمیریوں سے پرزور اپیل کی ہے کہ وہ تمام باہمی اختلافات کو بالائے طاق رکھتے ہوئے اپنے بنیادی انسانی حقوق، وقار اور تنازعہ کشمیر کے پرامن و منصفانہ حل کے لیے مکمل طور پر متحد ہو جائیں۔