4 اگست تک شدید بارشوں اور فلیش فلڈنگ کا خدشہ، این ڈی ایم اے الرٹ

این ڈی ایم اے نے مزید کہا کہ مون سون کے دوران پہاڑی علاقوں میں لینڈ سلائیڈنگ، ملبے کے ریلوں اور اچانک آنے والے سیلاب کا خطرہ بڑھ جاتا ہے، اس لیے سیاح احتیاطی تدابیر اختیار کریں۔ عوام کو مشورہ دیا گیا ہے کہ سفر کے دوران پینے کا پانی، خشک خوراک، ٹارچ، ابتدائی طبی امداد کا سامان، پاور بینک اور ہنگامی رابطہ نمبرز اپنے ساتھ رکھیں، متعلقہ اداروں کی ہدایات پر عمل کریں اور بند سڑکوں پر ہرگز سفر نہ کریں۔ این ڈی ایم اے نے بروقت معلومات کے لیے اپنی آفیشل ایپ “پاک این ڈی ایم اے ڈیزاسٹر الرٹ” استعمال کرنے کی بھی ہدایت کی ہے۔